15 զինվորի կյանք խլած ողբերգական դեպքի նախաքննությունն ավարտվել է. «Ժողովուրդ»

Նախաքննության ավարտ է հայտարարվել Ազատ գյուղի զինվորների կացարանում հունվարի 19-ին բռնկված ողբերգական հրդեհի գործով. այն խլել էր 15 զինվորի կյանք։ Տեղեկությունը այն մասին, որ նախաքննությունը ավարտվել է «Ժողովուրդ» օրաթերթի հետ զրույցում հաստատել է նաև գործով կալանավորված սպա՝ Եղիշե Հակոբյանի պաշտպան Հովսեփ Սարգսյանը։ 

Ըստ նախաքննական մարմնի՝ սպան բենզինը լցրել էր վառարանը, կրակը անսպասելի թեժացել էր, ինչի հետևանքով տեղի էր  ունեցել ողբերգական դեպքը։ 
 

Հիշեցնենք, որ դեպքը եղել էր այս տարվա հունվարի 19-ին Ազատ գյուղի զինվորական կացարանում, ինչի հետևանքով մահացել են  15 զինծառայողներ. սույն գործով մեղադրյալի աթոռին են 4 անձ։