1 կգ կարտոֆիլի և մսի հերթում Արցախում մի կին կորցրել է գիտակցությունը
Արցախցիների մոտ թերսնման հետևանքով պարբերաբար ուշագնացություններ են լինում։
Արցախում մի կին այսօր կորցրել է գիտակցությունը սոցիալական աջակցության հերթում, որի ժամանակ տրվում էր 1 կգ կարտոֆիլ և միս։
Ուշագնացության դեպքի մասին գրում են թելեգրամյան ալիքները՝ կից հրապարակելով լուսանկար։
Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։
