Երբ է Պուտին-Էրդողան հանդիպման հնարավոր ամսաթիվը․ Bloomberg
Թուրքիայի նախագահ Ռեջեփ Թայիփ Էրդողանը իր ռուս պաշտոնակից ՌԴ նախագահ Վլադիմիր Պուտինի հետ կարող է հանդիպել սեպտեմբերի 8-ին, Ռուսաստանում։ Այս մասին հաղորդում է Bloomberg-ը՝ վկայակոչելով իրավիճակին ծանոթ թուրք պաշտոնյաների։
Ըստ հրապարակման՝ Էրդողանը նախատեսում է Պուտինի հետ քննարկել հացահատիկի գործարքը։
Լրատվամիջոցը հայտնում է նաև, որ Թուրքիայի նախագահի գրասենյակը չի մեկնաբանել այս տեղեկությունը։
Հիշեցնենք, որ օգոստոսի 25-ին ՌԴ նախագահի մամուլի քարտուղար Դմիտրի Պեսկովը հաստատել էր, որ Ռուսաստանի և Թուրքիայի ղեկավարների հանդիպումը նախապատրաստվում է։ Նա հստակ ժամկետներ չէր նշել, սակայն ասել էր, որ «հանդիպումը կկայանա շուտով»։
