Առևանգված երիտասարդներին վերադարձնելու համար ռուս խաղաղապահները բանակցում են. Բեգլարյան
Ռուս խաղաղապահներն այս պահին բանակցում են Լաչինի անցակետից այսօր առևանգված երեք երիտասարդներին վերադարձանելու համար։ Այս մասին «Ազատությանը» հայտնել է Արցախի նախագահի խորհրդական Արտակ Բեգլարյանը։
Հավելենք, որ քիչ առաջ Արցախի ՄԻՊ-ը հայտնեց, որ եվս երկու հոգի՝ Վահե Հովսեփյանը և Լևոն Գրիգորյանը չեն հատել Լաչինի միջանցքում տեղակայված ադրբեջանական անցակետը, սակայն չի հաջողվում նրանց հետ կապ հաստատել։
Հիշեցնենք՝ ավելի վաղ հայտնել էինք, որ Արցախի տեղեկատվական շտաբից հայտնել են, որ ադրբեջանական կողմը Լաչինի միջանցքում գտնվող ապօրինի անցակետում առևանգել է ռուս խաղաղապահների ուղեկցությամբ Արցախից Հայաստան գնացող Ալեն Նելսոնի Սարգսյանին՝ ծնված 2001թ.: Նշվում է, որ առևվանգվել են երեք եիտասարդի։
