ՏԵՍԱՆՅՈՒԹ․ Մոտ 600 բեռնատարներ են կուտակվել Ղազախստանի և Ղրղըզստանի սահմանին

Ղազախստանի ու Ղրղըզստանի սահմանին երրորդ օրն անընդմեջ բեռնատարների կուտակումներ են նկատվում։ Այս մասին տեղեկանում ենք տեղի լրատվամիձոցներից։

Կուտակված մեքենաների թիվը հասել է մոտավորապես 600-ի։ Ղրղըզական կողմում վարորդների համար վրանային ճամբար է տեղադրվել՝ նրանց տաք սնունդով ու անհրաժեշտության դեպքում բժշկական օգնություն ցուցաբերելու համար։

Ղազախստանի Ազգային անվտանգության կոմիտեն երեկ հայտարարել է, որ սահմանին միջոցներ են ձեռնարկվում անօրինական գործունեության դեմ, չհստակեցնելով, թե կոնկրետ ինչ գործունեության մասին է խոսքը։

Ղրղըզստանի սահմանային ծառայությունը հաղորդում է, որ «Ակ Տիլեկ» սահմանային անցակետով նախկինում մեկ ժամում 14-15 մեքենա էր անցնում, իսկ երեկ 4-5 ժամում ղազախական կողմը մեկ մեքենա է բաց թողել։