ՏԵՍԱՆՅՈՒԹ․ Հնդկաստանն աշխարհում առաջին երկիրը դարձավ, որը հաջողությամբ տիեզերանավ իջեցրեց Լուսնի վրա

Հնդկաստանը մոդուլ է իջեցրել լուսնի վրա: Հնդկական «Չանդրայան-3» լուսնագնացը փափուկ վայրէջք կատարեց Լուսնի մակերևույթի վրա։ Այսպիսով, Հնդկաստանը դարձավ առաջին երկիրը, որը հաջողությամբ տիեզերանավ իջեցրեց Լուսնի հարավային բևեռում։

Նշենք, որ Հնդկական «Չանդրայան-3» ռոբոտ-տիեզերական կայանը տիեզերք է արձակվել հուլիսի 14-ին, իսկ լուսնային ուղեծիր է մտել օգոստոսի 5-ին: Կայանը մի քանի մանևրներ կիրականացնի Լուսնին մոտենալու համար, քանի դեռ նրա ուղեծրը Երկրի բնական արբանյակից 100 կմ հեռավորության վրա չի կրճատվի։ «Վիկրամ» վայրէջքի մոդուլը կայանից անջատվել է օգոստոսի 17-ին և նախկինում երկու գործողություն է իրականացրել ուղեծրի իջեցման համար։

Ակնկալվում է, որ «Չանդրայան-3» առաքելության լուսնագնացների ծանրաբեռնվածությունը բեկումնային գիտելիքներ կտա լուսնային մակերեսի տարրական կազմի մասին: Լուսնագնացը հագեցած է ռենտգենյան ալֆա-մասնիկների սպեկտրոմետրով և լազերային սպեկտրոսկոպով։

Հավելենք, որ BRICS-ի գագաթնաժողովին մասնակցելու համար Հարավաֆրիկյան Հանրապետությունում գտնվող Հնդկաստանի վարչապետ Նարենդրա Մոդին հեռարձակումը դիտել է տեսակամրջի միջոցով։