Երաշտի սպառնալիք. Ստամբուլի քաղաքապետը բնակիչներին հորդորել է խնայել ջուրը
Ստամբուլի քաղաքապետ Էքրեմ Իմամօղլուն երաշտի սպառնալիքի ֆոնին թուրքական մեգապոլիսի բնակիչներին հորդորել է խնայել ջուրը։
Ստամբուլի ջրամբարներում ջրի պաշարները, քաղաքապետարանի տվյալներով, կիրակի օրվա դրությամբ շոգ ու չոր ամառվա պատճառով նվազել են մինչև նորմայի 32,38 տոկոսը, ինչը ամենացածր ցուցանիշն է վերջին 9 տարվա ընթացքում։
Քաղաքապետի կողմից բերված եղանակային կանխատեսումների համաձայն՝ հաջորդ շաբաթ Ստամբուլում միջին ջերմաստիճանը կգերազանցի 30 աստիճանը։
Ավելի վաղ քաղաքային իշխանությունները հայտնել էին, որ տեղի ջրամբարներում մնացել է ջրի երկու ամսվա պաշար:
