Բոլորը Կրիշտիանու Ռոնալդուին խենթ էին անվանում․ Նեյմար

«Ալ-Հիլալի» բրազիլացի հարձակվող Նեյմարը կիսվել է նոր ակումբի կազմում առաջիկա հանդիպումների սպասելիքներով։

«Կարծում եմ, որ Կրիշտիանու Ռոնալդուն սկսեց ամեն ինչ, և բոլորը նրան խենթ էին անվանում: Այսօր դուք տեսնում եք, որ լիգան գնալով ավելի է աճում։ Լիգան շատ մրցունակ է լինելու, հատկապես ամառային տրանսֆերային պատուհանի ժամանակ կատարված գործարքներից հետո:

Կարծում եմ, որ մրցակցությունը կարևոր է։ Դրա համար ես միանում եմ այս լիգային: Մարտահրավերներն ինձ առաջ են մղում: Ես այստեղ եմ, որպեսզի օգնեմ լիգայի աճին:

Այլ թիմերի բարձրակարգ խաղացողների հետ հանդիպելը հուզիչ է և ավելի լավ խաղալու մոտիվացիա: Եվ անկասկած, երբ հանդիպում ես Ռոնալդուին, Բենզեմային, Ֆիրմինոյին, հուզմունքն ավելի է մեծանում։

Ուստի, ես ուրախ եմ միանալ այս լիգային, նրանց հետ հանդիպելը հիանալի կլինի, ֆանտաստիկ կլինի»,- Նեյմարի խոսքերը մեջբերում են լրատվամիջոցները։