ԼՈՒՍԱՆԿԱՐՆԵՐ․ Գիշերային գնդակոծության հետևանքները՝ Դանուբի նավահանգիստներից մեկում

Ուկրաինայի Օդեսայի շրջանի իշխանությունները հայտնել են նավահանգստի ենթակառուցվածքի վնասների մասին: Այս մասին տեղեկանում ենք Kommersant-ից։ 

Օդեսայի մարզում գնդակոծության հետևանքով վնասվել է Դանուբի նավահանգիստներից մեկի ենթակառուցվածքը։ Այս մասին Telegram-ում հայտնել է Օդեսայի տարածաշրջանային ռազմական վարչակազմի ղեկավար Օլեգ Կիպերը։ Նա նշել է, որ զոհեր և վիրավորներ չկան։

Նրա խոսքով՝ ռուս զինվորականները գիշերվա ընթացքում երկու անգամ անօդաչու սարքերով գրոհել են տարածաշրջանը։ Կիպերը տարածաշրջանի հարավում գտնվող նավահանգիստն ու հացահատիկի ենթակառուցվածքն իրենց հիմնական նպատակն է անվանել։

«Հակառակորդի հարվածների հետևանքով Դանուբի նավահանգիստներից մեկում վնասվել են պահեստներ և ամբարներ։ Արդյունքում առաջացած հրդեհները օպերատիվ կերպով վերացվել են Արտակարգ իրավիճակների պետական ​​ծառայության աշխատակիցների կողմից»,- հավելել է Կիպերը։

Նա մանրամասնել է, որ Ուկրաինայի ռազմաօդային ուժերի ուժերով ու միջոցներով ոչնչացվել է 11 հարվածային անօդաչու թռչող սարք։ Գիշերը Օդեսայի մարզում օդային տագնապ է հայտարարվել։

Նշվում է, որ ՌԴ պաշտպանության նախարարությունը հարվածների մասին չի հայտնել։

Հիշեցնենք՝ ավելի վաղ հայտնել էինք, որ համացանցում տարածվել են Օդեսայի Ռենի նավահանգստում տեղի ունեցած պայթյունի պահը։ 

[be6362df2e9a2cdaf5c05b0a6c12f4d7.jpg]

[347d04341c51f0ed20fc0c92549aaf9e.jpg]

[84ea4b934dfb0bf90c3cfe1064484779.jpg]

[ae5f5565ae505985cbee2279a4cd1138.jpg]