Ղազախստանի քաղաքացիները Հայաստանից շուրջ 2կգ ոսկյա զարդեր են փորձել տեղափոխել Վրաստան
Վրաց-հայկական սահմանին առանձնապես խոշոր չափի ոսկյա զարդերի ապօրինի ներկրում է կանխվել։ Այս մասին հայտնում է Վրաստանի ֆինանսների նախարարության քննչական ծառայությունը:
Նշվում է, որ Ղազախստանի երկու քաղաքացիներ փորձել են «Սադախլո» անցակետով տեղափոխել մինչև 2 կգ ոսկյա իրեր՝ 189 հազար լարի (72 հազար դոլար) արժողությամբ: Նրանք զարդերը թաքցրել են տաքսու բեռնախցիկում` սննդի տոպրակների մեջ։
Նշվում է, որ գործն ուղարկվել է ֆինանսների նախարարության քննչական ծառայություն։
