ԱՄՆ-ն ցանկանում է նոր ռազմաբազա հիմնել Հունաստանի Լեմնոս կամ Սկիրոս կղզիներում, գրում է Взгляд–ը՝ հղում անելով To Vima-ին։ 

Ինչ վերաբերում է Լեմնոսին, ապա ակնկալվում է, որ այնտեղ ամերիկյան զորքերի տեղակայումը կամրապնդի Ալեքսանդրապոլիսի բազայի անվտանգության համակարգը, քանի որ կղզին ձեռք կբերի առաջապահ ֆորպոստի դեր, որը կպաշտպանի իր ստորոտը, իսկ մյուս կողմից՝ կապահովի Դարդանելի հսկողության հնարավորությունը, նշում է ProtoThema թերթը։ 

Մյուս կողմից, Սկիրոսը Էգեյան ծովի կենտրոնում իր չափազանց կարևոր դիրքի պատճառով գրավել է ամերիկացիների հետաքրքրությունը, քանի որ քանի որ այնտեղից կարելի է վերահսկել ամբողջ տարածաշրջանը՝ Դարդանելից մինչև Սուեզի ջրանցք։

Մյուս կողմից, Աթենքի համար ԱՄՆ-ի լրացուցիչ ռազմական ներկայությունը կպաշտպանի այնտեղ գտնվող Հունաստանի կարևոր ռազմական օբյեկտները թուրքական ցանկացած սպառնալիքից: