Ռուսաստանի տարածքում ուկրաինական հատուկ ծառայությունները «բավականին արդյունավետ ցանց» ունեն. Զելենսկու գրասենյակ

Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը հայտարարել է, որ ուկրաինական հատուկ ծառայությունները՝ ՊՆ գլխավոր հետախուզական վարչությունը և Ուկրաինայի անվտանգության ծառայությունը «բավականին արդյունավետ ցանց» ունեն Ռուսաստանում։ Նրա խոսքով՝ Ռուսաստանում «անհայտ անօդաչու թռչող սարքերով» միջադեպերի թիվը, ինչպես նաև այդ հարվածների արդյունավետությունը կաճեն։

«Ուկրաինական հատուկ ծառայությունները՝ և՛ Գլխավոր հետախուզական վարչությունը, և՛ Ուկրաինայի անվտանգության ծառայությունը, բավականին արդյունավետ ցանց ունեն Ռուսաստանում: Նրանք կարող են օգտվել այս ցանցից»,- ասել է Պոդոլյակը ուկրաինական «24» հեռուստաալիքի եթերում։

«Հասկանալի է, որ այսօր մշակվում են հակաօդային պաշտպանության համակարգեր, ամեն ինչ ուսումնասիրվում է, հետախուզություն է արվում։ Եվ աստիճանաբար այդ հարվածների արդյունավետությունը կավելանա։ Դուք արդեն ամեն գիշեր տեսնում եք, որ ավելի ու ավելի շատ անօդաչու թռչող սարքեր են գնում այնտեղ»,- հավելել է նա: