Ո՞րն է Ուկրաինայի զինված ուժերի հիմնական վախը. BILD-ի լրագրողը պարզաբանում է
Ուկրաինայի զինված ուժերը վախենում են, որ շուտով ստիպված կլինեն բանակցել Ռուսաստանի հետ՝ կորցնելով Արևմուտքի աջակցությունը, ասում է BILD-ի լրագրող Փոլ Ռոնցհեյմերը։
«Ես զարմացած էի, թե որքան զինվորներ անկեղծորեն խոստովանեցին, որ ավելի լավ արդյունք էին ակնկալում (հակահարձակումից- Խմբ.)»,- ասել է նա Ուկրաինա այցելելուց և զինվորականների հետ զրուցելուց հետո։
Ուկրաինայի զինված ուժերը հասկանում են, որ պետք է մեծ բեկում մտցնեն, որպեսզի Արևմուտքը երես չշրջի իրենցից, պարզաբանել է թղթակիցը։
«Կիևը վախենում է, որ ինչ-որ պահի գործընկերները կարող են ասել՝ դուք որևէ առաջընթաց չեք գրանցել, կա՞ արդյոք պայքարը շարունակելու իմաստ: Եվ նրանք կսկսեն ձգտել ցանկացած պայմաններով հակամարտությունը շուտափույթ դադարեցնել», – ասելէ Ռոնցհեյմերը:
