Նավալնիին 10 տարով արգելվել է համացանցում հրապարակումներ անել

Մոսկվայի քաղաքային դատարանը ծայրահեղականության գործով 19 տարվա ազատազրկման դատապարտված ընդդիմադիր Ալեքսեյ Նավալնիին արգելել է տասը տարով համացանցում հրապարակումներ անել։ Այս մասին РБК-ին հայտնել են դատարանի մամուլի ծառայությունում։

Հիշեցնենք, որ օգոստոսի 4-ին Նավալնին և յութուբյան Navalny Live ալիքի նախկին տեխնիկական տնօրեն Դանիել Խոլոդնին դատապարտվել են ծայրահեղական համայնք ստեղծելու գործով։

«Ա.Ա. Նավալնին դատապարտվել է 19 տարվա ազատազրկման՝ հատուկ ռեժիմով ուղղիչ գաղութում՝ տասը տարի ժամկետով զրկվելով համընդհանուր օգտագործման տեղեկատվական-հաղորդակցային ցանցերում, այդ թվում՝ համացանցում, կոչերի և այլ նյութերի տեղադրման հետ կապված գործունեությամբ զբաղվելու իրավունքից»,- ասվում է դատարանի մամուլի ծառայությունում։