ՏԵՍԱՆՅՈՒԹ․ Պակիստանում ուղևորատար գնացքը դուրս է եկել ռելսերից․ կա 20 զոհ, 80 վիրավոր
Պակիստանի հարավում մարդատար գնացքը դուրս է եկել ռելսերից: Պատահարի հետևանքով մահացել է առնվազն 20 մարդ, 80-ը ստացել տարբեր աստիճանի վնասվածքներ։ Այս մասին հայտնում է Geo News հեռուստաալիքը։
Մարդատար գնացքի մոտ 10 վագոն ռելսերից դուրս է եկել հարավային Սինդ նահանգի քաղաքներից մեկի մոտ՝ երկրի խոշորագույն քաղաք Կարաչիից մոտ 275 կիլոմետր հեռավորության վրա։
Սոցցանցերում տարածվել է ռելսերից վթարի հետևանքների տեսանյութը: Կադրերում տուժածներին օգնում են դուրս գալ վնասված մեքենաներից։ Դեպքի վայրում են նաև փրկարարները։ Մոտակա հիվանդանոցները արտակարգ դրություն են հայտարարել։
