ՏԵՍԱՆՅՈՒԹ․ Կասետային զինամթերքով հարձակում` Դոնցկի կենտրոնում․ համալսարան է հրդեհվել
Ուկրաինայի զինված ուժերը կասետային զինամթերքով գիշերը գրոհել են Դոնեցկի կենտրոնը։ Այս մասին տեղեկանում ենք ՏԱՍՍ-ից, որին հայտնել են Դոնեցկի Ժողովրդական Հանրապետության (ԴԺՀ) արտակարգ իրավիճակների ծառայությունից։
«Հարվածը՝ կենտրոնին հասցվել է կասետային զինամթերքով։ Կաստերներն իրենք պայթել են օդում»,- հայտնել են արտակարգ իրավիճակների ծառայությունից։
Կայքի թղթակցի փոխանցմամբ՝ քաղաքի կենտրոնում՝ Պուշկինի բուլվարում, չորս պայթյուն է լսվել, ինչպես նաև ցածր հզորության բազմաթիվ պայթյուններ, երկնքում երևացել են բռնկումներ։
Նշենք, որ Դոնեցկում Ուկրաինայի զինված ուժերի հարձակման հետևանքով հրդեհ է բռնկվել համալսարաններից մեկում։ Ըստ նախնական տվյալների՝ զոհեր և վիրավորներ չեն եղել։
Այրվել է շենքի տանիքը և երկրորդ հարկը, որտեղ գտնվում է համալսարանի ընդունելության գրասենյակը, ինչպես նաև կոնֆերանսների սրահն ու թանգարանը։
