Շովիում հայտնաբերված 18 մահացածների թվում կան անչափահասներ․ անհետ կորածների թվում՝ 7 երեխա
Շովիում հայտնաբերված 18 մահացածների թվում կան մի քանի անչափահասներ: Այս մասին հայտարարել է Վրաստանի պաշտպանության նախարար Ջուանշեր Բուրչուլաձեն, հայտնում է «Սպուտնիկ Գրուզիա»-ն։
Նշվում է, որ շարունակվում են ևս 18 անհետ կորածների որոնումները, այդ թվում՝ 7-ը երեխաներ են։ Շովիում փրկարարական գործողությանը մասնակցում է 400 փրկարար և 200 զինվորական: Բացի այդ, գործի են դրվել սահմանապահ ոստիկանության ուղղաթիռներ և հատուկ տեխնիկա:
Հիշեցնենք, որ օգոստոսի 3-ին Վրաստանի Շովի հանգստավայրում տեղի է ունեցել սողանք։ Ավերվել են կամուրջները, վնասվել է Շովի մուտքի ճանապարհը։
