Ուկրաինայի Ազգային անվտանգության խորհրդի (ԱԱԽ) քարտուղար Ալեքսի Դանիլովը հաստատել է, որ Ուկրաինայի անվտանգության ծառայության անդամները մասնակցել են Ղրիմի կամրջի վրա երկու հարձակման։ Այս մասին նա ասել է ուկրաինական հեռուստատեսությանը տված հարցազրույցում, փոխանցում է РИА Новости-ն։

Ազգային անվտանգության և պաշտպանության խորհրդի ղեկավարի խոսքով՝ ուկրաինացի զինվորականները կասկածի տակ են դնում բազմաթիվ օբյեկտների անձեռնմխելիությունը, որոնք համարվում էին Ռուսաստանում լիովին պաշտպանված։

«Սա Ղրիմի կամուրջն է, որի մասին ուղղակիորեն նշել են Անվտանգության ծառայության ներկայացուցիչները, որոնք մասնակցել են առաջին և երկրորդ դեպքերին»,- ասել է Դանիլովը։

Հարցազրույցում նա նաև ասել է, որ Ուկրաինան օգտագործում է ծովային անօդաչու թռչող սարքեր ռուսական թիրախների վրա հարձակվելու համար։