Իսրայելցի զինվորականները սպանել են պաղեստինցի 14-ամյա տղային` կրակելով նրա գլխին

Իսրայելցի զինվորականները սպանել են պաղեստինցի դեռահասին` կրակելով գլխին: Այս մասին գրում է ИА Реалист թելեգրամյան ալիքը: 

Պաղեստինցի 14-ամյա Ֆարիս Աբու Սամրան մահացել է հուլիսի 27-ի գիշերը`  Հորդանան գետի արեւմտյան ափում իսրայելական ռազմական գործողության ժամանակ,  Իսրայելի պաշտպանության բանակի կրակոցից: 

Իսրայելցի զինվորները կրակել են դեռահասի գլխին: Հաղորդվում է, որ տղան ծայրահեղ ծանր վիճակում տեղափոխվել է հիվանդանոց, որտեղ էլ մահացել է։

Դեռահասը դարձել է հինգերորդ պաղեստինցին, ով սպանվել է իսրայելցի զինվորականների կողմից: 

Հիշեցնենք, որ հուլիսի 3-ի գիշերը Իսրայելի պաշտպանության բանակը Հորդանան գետի Արևմտյան ափին սկսեց վերջին տասնամյակների ամենախոշոր ռազմական գործողություններից մեկը և հայտարարեց ահաբեկչական խմբավորումներին հարվածներ հասցնելու մասին: Իսրայելի զինվորականները հայտարարության մեջ նշել են, որ իրենք անգործ չեն մնա «քանի դեռ ահաբեկիչները շարունակում են վնասել խաղաղ բնակչությանը՝ օգտագործելով Ջենին ճամբարը որպես թաքստոց»։