ՏԵՍԱՆՅՈՒԹ․ Երեխադ Ադրբեջանում է՝ գնա Բաքու, խի՞ ես եկել ստեղ․ քաղաքացին՝ կնոջը

Էջմիածնի «Քիմիկների զորամաս»-ի անհետ կորած ու գերիների զինծառայողների հարազատների բողոքի ակցիայի ժամանակ ևս մեկ վիճաբանություն տեղի ունեցավ։ Ծնողներից մեկին մոտեցավ մի տարեց տղամարդ՝ հարցնելով՝ ուր է նրա որդին.

«Որտե՞ղ է քո երեխան»,- ասաց տղամարդը, ինչին ի պատասխան ծնողը պատասխանեց՝ Ադրբեջանում:

«Ադրբեջանո՞ւմ, է գնա Ադրբեջան, Բաքու, ինչի ես եկել ստեղ»,- ասաց տարեց տղամարդը։ 

«Ինչու գնամ Բաքու, Բաքուն է՞ տարել իմ երեխուն»,- ասաց զինծառայողի մայրը:

Ոստիկանները հեռացրեցին տարեց տղամարդուն:

Նշենք, որ ակցիայի ընթացքում քաղաքացիների միջև պարբերաբար վիճաբանություն է տեղի ունենում։

Հավելենք, որ Բաղրամյան պողոտայում Էջմիածնի «Քիմիկների զորամաս»-ի անհետ կորած ու գերիների զինծառայողների հարազատները բողոքի ակցիա են իրականացնում: Նրանք փակել են Բաղրամյան-Պռոշյան խաչմերուկը։ Նրանք պահանջում են հանդիպում՝ ՀՀ վարչապետ Նիկոլ Փաշինյանի հետ։

Մանրամասները՝ տեսանյութում։