Ուկրաինայի ՆԱՏՕ-ին անդամակցելու հարցը լուծվել է, քննարկման ենթակա չէ. Սալիվան

«Վիլնյուսում ՆԱՏՕ-ի գագաթնաժողովի արդյունքներով Ուկրաինայի՝ դաշինքին անդամակցելու հարցը լուծվել է և քննարկման ենթակա չէ»։ 

Հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը:  

«Ի վերջո, մենք ՆԱՏՕ-ում շատ պարզ հայտարարեցինք՝ Ուկրաինայի ապագան ՆԱՏՕ-ում է: Դա սակարկելի չէ: Սա այն է, ինչ մենք պայմանավորվել ենք»,- ասել է նա CBS-ին տված հարցազրույցում: Սալիվանը հավելել է, որ Ուկրաինան կշարունակի անհրաժեշտ աջակցություն ստանալ իր արևմտյան դաշնակիցներից։ 

Սպիտակ տունը նաև հայտարարել է, որ ԵՄ երկրներում F-16 կործանիչներ վարելու ուկրաինացի օդաչուների վերապատրաստումը կարող է սկսվել մի քանի շաբաթից: