Մասկը հայտնել է, որ Ցուկերբերգի հետ մենամարտի համար «ավելի շատ մարզումների կարիք ունի»

Tesla-ի և SpaceX-ի ղեկավար Իլոն Մասկը ասել է, որ իրեն անհրաժեշտ է մեծացնել մարզումների քանակը՝ MMA-ի կանոններով Meta-ի ղեկավարի՝ Մարկ Ցուկերբերգի հետ մենամարտին նախապատրաստվելու համար: Այս մասին հայտնում է Business Insider-ը։ 

Մասկը UFC-ի կանադացի մարտիկ Ժորժ Սենտ-Պիերի հետ մարզումից հետո խոսել է դրանց հետ կապված խնդիրների մասին։ «Դա շատ զվարճալի էր: Այնուամենայնիվ, ակնհայտ եզրակացությունն այն է, որ ինձ շատ ավելի շատ մարզումներ են պետք», - ասել է միլիարդատերը: 

Նախկինում գործարարը խոստովանել է, որ գրեթե երբեք չի մարզվում և սպորտի սիրահար չէ։ Մասկը նաև մի քանի անգամ կատակել է, որ քաշի տարբերության շնորհիվ կարող է հաղթել Ցուկերբերգին։ 

Հիշեցնենք, որ Մասկը Ցուկերբերգին մենամարտի է հրավիրել հունիսի 22-ին։