Ապստամբությունից հետո Պրիգոժինի նկատմամբ վերաբերմունքը ՌԴ-ում կտրուկ վատթարացել է. հարցում
Ռուսաստանցիների գրեթե մեկ երրորդն աջակցում է «Վագների» խմբի ղեկավար Եվգենի Պրիգոժինի գործունեությանը, գրում է RTVI-ը` նշելով, որ ապստամբությունից հետո Պրիգոժինի նկատմամբ վերաբերմունքը կտրուկ վատթարացել է։
Այս մասին են վկայում հունիսի 24-ի իրադարձություններից հետո Russian Field-ի անցկացրած հարցման արդյունքները։
Եթե հունիսի կեսերին, այսինքն նախքան ապստամբությունը, Պրիգոժինի գործունեությանն աջակցել է հարցվածների 55%-ը, ապա ապստամբությունից հետո այդ ցուցանիշը նվազել է մինչև 29%:
Ավելի հաճախ Պրիգոժինի գործունեությունը հավանության է արժանանում 30-44 տարեկան տղամարդկանց, ինչպես նաև թելեգրամյան ալիքների ընթերցողների կողմից։
Ընդ որում, դրական պատասխանների գերակշռությունը բացասականի նկատմամբ նկատվում է միայն տղամարդկանց մոտ։
