Թրամփը կարծում է, որ Ուկրաինան կարող է ստիպված լինել զիջել տարածքի մի մասը

ԱՄՆ նախկին նախագահ Դոնալդ Թրամփը ենթադրել է, որ Ուկրաինան կարող է ստիպված լինել իր տարածքների մի մասը զիջել Ռուսաստանին՝ մարտերը դադարեցնելու համար։ 

Reuters-ին տված հարցազրույցում նա հայտարարել է, որ եթե ինքը լիներ նախագահ, ապա ամեն ինչ սակարկելի կլիներ, իսկ ուկրաինացիները, ովքեր պաշտպանում են իրենց հողը, արժանի են գովասանքի։ Թրամփը նաև նշել է, որ դրա համար անհրաժեշտ է լավ միջնորդ կամ բանակցող, որը ներկայումս հասանելի չէ։

Սակայն Կիևը մերժել է Ռուսաստանին զիջումների հնարավորությունը՝ ասելով, որ ցանկացած զիջում կապիտուլյացիա է և ցանկացած պարագայում անընդունելի։ Ի պատասխան Թրամփի հայտարարության՝ Ուկրաինայի նախագահ Վլադիմիր Զելենսկին կասկած է հայտնել ԱՄՆ նախկին նախագահի՝ իրավիճակը կարգավորելու կարողության վերաբերյալ՝ հարց տալով. «Ինչո՞ւ նա դա ավելի շուտ չի արել»։