Հունգարիան մերժում է Ուկրաինային ավելի շատ գումար հատկացնելու Եվրահանձնաժողովի ծրագրերը. Օրբան

Հունգարիան մերժում է Ուկրաինային ավելի շատ գումար հատկացնելու Եվրահանձնաժողովի ծրագրերը և չի ցանկանում ավելի շատ գումար ներդնել ԵՄ պարտքի սպասարկման ավելացված ծախսերը ֆինանսավորելու համար, ուրբաթ օրը պետական ​​ռադիոյին ասել է վարչապետ Վիկտոր Օրբանը։

Օրբանը, ելույթ ունենալով Բրյուսելում ԵՄ գագաթնաժողովի շրջանակներում, ասել է, որ Եվրահանձնաժողովի խնդրանքը, որ Հունգարիան ավելի շատ գումար հատկացնի, «ծիծաղելի» է, քանի որ Բուդապեշտը, Լեհաստանի հետ միասին, երբեք միջոցներ չեն ստացել ԵՄ վերականգնման հիմնադրամից:

«Մի բան պարզ է. մենք՝ հունգարացիներս, ավելի շատ գումար չենք տա Ուկրաինային, մինչև մեզ չասեն, թե ուր են գնացել նախկին՝ մոտ 70 միլիարդ եվրոյի միջոցները», - ասել է Օրբանը՝ ընդգծելով, որ ինքը «միանգամայն ծիծաղելի և անհեթեթ» է համարում այդ պարտավորությունը։