Ռուս գեներալ Սուրովիկինը ձերբակալվել է․ Financial Times

Financial Times-ը հայտնում է ռուս գեներալ Սերգեյ Սուրովիկինի ձերբակալման մասին՝ հղում անելով իրավիճակին ծանոթ աղբյուրների, փոխանցում է BBC-ի ռուսական ծառայությունը։

Նշվում է, որ Սուրովիկինը լավ հարաբերություններ է պահպանում «Վագներ»-ի ղեկավար Եվգենի Պրիգոժինի հետ։ Հայտնի չէ, թե ինչի մեջ է մեղադրվում գեներալը։

Սերգեյ Սուրովիկինի դուստրը «Baza» տելեգրամյան ալիքին տված հարցազրույցում գեներալի կալանավորման մասին լուրերը կեղծ է անվանել։

 Աղջիկը հայտնել է, որ հոր հետ ոչինչ չի պատահել, նա իր աշխատավայրում է։ Միաժամանակ նշվում է, որ Սուրովիկինի կինը հրաժարվել է մեկնաբանել այս լուրը: