Գեներալ Սուրովիկինը տեղյակ է եղել Պրիգոժինի ապստամբության ծրագրերից

Ուկրաինայում Ռուսաստանի ռազմական գործողությունների հրամանատարի տեղակալ, գեներալ Սերգեյ Սուրովիկինը նախապես գիտեր, որ «Վագներ»-ի վարձկանների հրամանատար Եվգենի Պրիգոժինը ապստամբություն է ծրագրում ՌԴ ՊՆ ղեկավարության դեմ։ Այդ մասին գրել է New York Times-ը։

Պարբերականը մեջբերել է հետախուզությունից տեղյակ ԱՄՆ պաշտոնյաներին և հայտնել, որ փորձում են իմանալ՝  Ուկրաինայում Ռուսաստանի նախկին գլխավոր հրամանատար Սերգեյ Սուրովիկինը օգնե՞լ է ծրագրել Պրիգոժինի գործողությունները:

Հիշեցնենք` հունիսի 24-ի գիշերը «Վագներ»-ի մարտիկները գրավել էին Դոնի Ռոստովում գտնվող Հարավային ռազմական օկրուգի շտաբը։  ՌԴ նախագահ Վլադիմիր Պուտինը վագներականների գործողություններն անվանել էր «հանցավոր արկածախնդրություն»: