Բելառուսում սկսվել է վագներականների ռազմական ճամբարի կառուցումը
Բելառուսում սկսվել է ՊՄԿ «Վագների» ռազմական ճամբարի կառուցումը: Ateo Breaking-ի փոխանցմամբ` այս մասին ԶԼՄ-ները հղում են անում
Մոգիլևի շրջանի անտառտնտեսությանը:
Աղբյուրների համաձայն, ճամբարները մի քանիսը կլինեն, և դրանցից մեկը կկառուցվի Ուկրաինայի հետ սահմանից 200 կիլոմետր հեռավորության վրա: Նշվում է, որ այս ճամբարի տարածքը կազմում է 24000 քառ.մ., այն նախատեսված կլինի 8 հազար հոգու համար:
Հիշեցնենք, որ խմբավորման ղեկավարի հետ պայմանավորվածությանն անդրադարձել էր ՌԴ նախագահի մամուլի խոսնակ Դմիտրի Պեսկովը։ Նա նշել է, որ պայմանավորվածություն է ձեռք բերվել, որ «Վագներ»-ի մարտիկները կվերադառնան իրենց դաշտային ճամբարներ, իսկ ինքը՝ Պրիգոժինը, կմեկնի Բելառուս։
