ՏԵՍԱՆՅՈՒԹ․ Պրիգոժինը կմեկնի Բելառուս․ երաշխիքը ՌԴ նախագահի խոսքն է․ Պեսկով
«Վագներ» -ի ղեկավար Եվգենի Պրիգոժինը լքում է Դոնի Ռոստովում գտնվող Հարավային ռազմական օկրուգի շտաբը։
Խմբավորման ղեկավարի հետ պայմանավորվածությանն անդրադարձել է ՌԴ նախագահի մամուլի խոսնակ Դմիտրի Պեսկովը։ Նա նշել է, որ պայմանավորվածություն է ձեռք բերվել, որ «Վագներ»-ի մարտիկները կվերադառնան իրենց դաշտային ճամբարներ, իսկ ինքը՝ Պրիգոժինը, կմեկնի Բելառուս։
Ըստ Կրեմլի՝ ՌԴ իշխանությունները չեն հետապնդի այն վագներականներին, ովքեր մասնակցել են ապստամբությանը` հաշվի առնելով առնագծում իրենց արժանիքները։
Կկարճվի նաև խմբավորման ղեկավարի դեմ հարուցված քրեական գործը, իսկ երաշխիքը, որ Պրիգոժինը կկարողանա մեկնել Բելառուս, ՌԴ նախագահի խոսքն է, հայտնել են Կրեմլից։
