ՏԵՍԱՆՅՈՒԹ. Ադրբեջանի Գադաբայի շրջանում իրավիճակը շարունակում է լարված մնալ. ծեծի են ենթարկել 3 լրագրողի
Ադրբեջանի Գադաբայի շրջանում իրավիճակը շարունակում է լարված մնալ: Հիշեցնենք, որ նախօրեին տեղի բնակիչների եւ ոստիկանների միջեւ կոնֆլիկտ է տեղի ունեցել։ Ոստիկանները ծեծի են ենթարկել տեղի տարեց բնակիչներին, ովքեր բողոքում էին գյուղում արհեստական լճի կառուցման դեմ։ Նաեւ համացանցում տեսանյութ էր տարածվել, որտեղ լսվում էր կրակահերթ:
Չնայած այդ երկրում ինֆորմացիայի բավական փակ լինելու հանգամանքին, այդուամենայնիվ հաջողվում է, որոշ նոր մանրամասներ ստանալ:
Ադրբեջանցի լրագրողներից մեկն է գրառում կատարել սոցկայքում եւ հայտնում է, որ Գադաբայի շրջանում ծեծի են ենթարկել 3 լրագրողի: Ոստիկանները նաև սահմանափակել են Գադաբայի շրջանի Սոյուդլու գյուղի մուտքը:
Ակտիվիստների վիճակը եւս լավ չէ: Նրանցից մեկին ձերբակալել են, մյուսին դատապարտել, եւս մեկին զորակոչել: 4-րդ ակտիվիստը գտնվում է ոստիկանության բաժանմունքում: Լրագրողը չի հավատում, որ իրենց երկրում հնարավոր է նման իրավիճակ:
Ադրբեջանի Գետաբեկի շրջանի ղեկավար Օրխան Մուրսալովն էլ հայտարարել է, որ ով ասում է, որ ոստիկանները ծեծում են քաղաքացիներին, դավաճան է:
Տեղի լատվամիջոցներն էլ հայտնում են, որ դիտորդական խմբի անդամները հանձնաժողովի նախագահ Մուխթար Բաբաևին տեղեկացրել են, որ լճի հատակը ծածկված է թաղանթով, որը կանխում է վնասակար նյութերի շփումը հողի հետ։ Լիճ թափվող ցիանիդը չեզոքացվում է պերօքսիդով։
