Կիևում համընդհանուր մոբիլիզացիա է հայտարարվել․ ԶԼՄ-ներ
Կիևում համընդհանուր մոբիլիզացիա է հայտարարվել։ Այս մասին գրում է Gazeta.ru-ն՝ հղում տալով ուկրաինական ԶԼՄ-ներին։
Նշվում է, որ առայժմ այս որոշումը վերաբերում է քաղաքի թաղամասերից միայն մեկին։ Տեղական լրատվամիջոցների փոխանցմամբ՝ տարածքային կենտրոնի խմբում հրապարակվել է Կիեւի Օբոլոնսկի շրջանի զինվորական կոմիսարի հրամանը։
Փաստաթղթի համաձայն՝ տասնօրյա ժամկետում զինվորական ծառայության համար պատասխանատուները պետք է ներկայանան զինկոմիսարիատ։
Պահանջը վերաբերում է նաև նրանց, ովքեր դեռ չեն ստացել կանչ կամ զորահավաքի հրամաններ։ Ավելի վաղ նմանատիպ միջոց էր հայտարարվել Իվանո-Ֆրանկիվսկի շրջանում։
