Աշխատատեղերի հերթական պատմական ռեկորդն է արձանագրվել. Նիկոլ Փաշինյան

ՀՀ վարչապետ Նիկոլ Փաշինյանը հայտարարել է, թե Հայաստանում գրանցված ու հարկման բազա ունեցող աշխատատեղերի հերթական պատմական ռեկորդն է արձանագրվել։

«Մայիսի արդյունքներով՝ ունենք 718 հազար 266 գրանցված աշխատատեղ, կարող ենք արձանագրել, որ 2018 թվականի մայիսից ի վեր՝  Հայաստանում ստեղծվել է 170 հազար 277 աշխատատեղ, ընդ որում՝ նախորդ տարվա մայիսի, ապրիլի համեմատ՝ նույնպես աճ ունենք»,- ասել է նա։ 

Ըստ Փաշինյանի, շոշափելի աճ է արձանագրվել նաև աշխատավարձի ֆոնդում. 2018 թվականի մայիսի համեմատ՝ Հայաստանում աշխատավարձի ֆոնդը կրկնապատկվել է՝ ավելացել է 106,6 տոկոսավ կամ՝ 103 միլիարդ 40 միլիոն դրամով։

2018 թվականի մայիսի համեմատ՝ Հայաստանում միջին աշխատավարձը ավելացել է 101 հազար 629 դրամով կամ՝ 57,6 տոկոսով։

«Աշխատավարձը Հայաստանում շարունակաբար բարձրանում է, ընդ որում՝ գնաճի նկատմամբ առաջանցիկ տեմպերով»,- ասել է Նիկոլ Փաշինյանը։