«ՌԴ-ն դեմ չէ, որ այլ միջազգային խաղացողներ միջնորդական ջանքեր գործադրեն Հայաստանի և Ադրբեջանի միջև». Լավրով
Ռուսաստանը դեմ չէ, որ միջազգային դերակատարները միջնորդական ջանքեր գործադրեն Հայաստանի և Ադրբեջանի միջև, հայտարարել է արտգործնախարար Սերգեյ Լավրովը Մինսկում ՀԱՊԿ անդամ երկրների արտգործնախարարների նիստում։
«Մենք դեմ չենք, որ այլ միջազգային խաղացողներ փորձեն իրենց կարողությունը միջնորդական ասպարեզում»,- ասել է Լավրովը, միաժամանակ զգուշացնելով. - «Կարևորն այն է, որ այդ միջնորդությունը նպատակ ունենա երաշխավորել պայմանավորվածությունները, որոնք հավասարակշռված կարտացոլեն հայ և ադրբեջանցի ժողովուրդների, հայկական ու ադրբեջանական պետությունների շահերը»։
