Կանադայում ՌՕ ուժերի ուղղաթիռ է կործանվել․ կան անհետ կորածներ

Կանադայի թագավորական ռազմաօդային ուժերի երկու անդամ անհետ կորել է, ևս երկուսը տուժել են այն բանից հետո, երբ երեքշաբթի վաղ առավոտյան Chinook ուղղաթիռն ընկել է Օտտավա գետը՝ Պետավավայի կայազորի մոտ, հաղորդում է Ottawa CTV News-ը:

Կանադայի ազգային պաշտպանության վարչությունը հաստատել է, որ CH-147 Chinook ուղղաթիռն ուսումնամարզական թռիչքի ժամանակ ընկել է ջուրը։ Դեպքը տեղի է ունեցել երեքշաբթի՝ ժամը 00:10-ին։

«Անձնակազմի անհետ կորած անդամները վթարի պահին եղել են ուղղաթիռում», - նշում է պաշտպանության ազգային նախարարության հաղորդագրության մեջ,- «փրկարարները գտել են անձնակազմի ևս երկու անդամների և տեղափոխել Փեմբրոքի հիվանդանոց»:

Ըստ ՊՆ-ի՝ անհետ կորածները 450-րդ մարտավարական ուղղաթիռային ջոկատի անդամներ են։
 

Որոնողական աշխատանքներին մասնակցում են Կանադայի ուժերի, Օնտարիոյի նահանգի ոստիկանության ծովային բաժնի, Պետավավայի և Փեմբրոքի հրշեջ բաժանմունքների անդամները։