ՏԵՍԱՆՅՈՒԹ. Բանկում քաղաքացիներին պատանդ է վերցրել. 3 ժամ է տվել իր պահանջները կատարելու համար. Ղազախստան

Ղազախստանի ոստիկանության մամուլի ծառայությունը հայտնել է, որ Ղազախստանի մայրաքաղաքում գտնվող բանկի մասնաճյուղի շենքում զինված տղամարդը մի քանի մարդու է պահել։ Այս մասին Telegram ալիքում հայտնել է Ղազախստանի ՆԳՆ մամուլի ծառայությունը։

Նշվում է, որ տղամարդը այցելուների հետ փակվել է Դոստիկ փողոցում գտնվող Caspian Bank-ի շենքում։

«Նախնական տվյալներով՝ տղամարդը զինված է։ Դեպքի վայրում են ոստիկանության աշխատակիցները։ Տղամարդու հետ բանակցություններ են ընթանում»,- նշել են մամուլի ծառայությունից։

Տղամարդը պահանջում է, որ կազմակերպության ողջ ակտիվները փոխանցվեն հաշմանդամ երեխաների, աղքատների և կարիքավորների հիմնադրամին, գրում են տեղական լրատվամիջոցները։

Նա 3 ժամ է տալիս իր պահանջները կատարելու համար։ Հակառակ դեպքում նա սպառնում է սպանել պատանդներին՝ 7 աղջկա եւ 1 պահակի։ Բանկի շենքի մոտ արդեն ժամանել են հատուկ ջոկատայիններ։