Հյուսիսային Կորեան երկու բալիստիկ հրթիռ է արձակել Ճապոնիայի ուղղությամբ
Հյուսիսային Կորեան երկու բալիստիկ հրթիռ է արձակել Ճապոնիայի ուղղությամբ, գրում է RTVI-ը՝ հղում անելով Yonhap-ին։
Արձակումները տեղի են ունեցել տեղի ժամանակով ժամը 19:25-ի և 19:37-ի սահմաններում (Երևանի ժամանակով 14:25-14:37) Փհենյանի Սունան շրջանից։
NHK-ի փոխանցմամբ՝ Ճապոնիայի կառավարության մի քանի պաշտոնյաներ ենթադրել են, որ հրթիռներից մեկն ընկել է Ճապոնիայի տնտեսական գոտում։ Տոկիոն Ազգային անվտանգության խորհրդի նիստ է հրավիրել և բողոք հղել Փհենյանին՝ կապված արձակման հետ։
