Արևմուտքը Ուկրաինային հարյուրավոր կարճ և միջին հեռահարության զենիթային հրթիռներ և հարակից համակարգեր է մատակարարում
Դանիան, Մեծ Բրիտանիան, Նիդեռլանդները և ԱՄՆ-ն Ուկրաինային կփոխանցեն «հարյուրավոր կարճ և միջին հեռահարության զենիթային հրթիռներ և հարակից համակարգեր»։ Այս մասին գրում է Meduza-ն՝ հղում անելով չորս երկրների ռազմական գերատեսչությունների համատեղ հայտարարությանը։
«Ներկայացված համակարգերն ու զինամթերքը կօգնեն պաշտպանել երկրի կարևոր ենթակառուցվածքները և ապահովել հակահարձակողական գործողությունների հաջողությունը առաջիկա ամիսներին»,- նշվում է փաստաթղթում։
Ռազմական տեխնիկայի մատակարարումն արդեն սկսվել է և պետք է ավարտվի մի քանի շաբաթվա ընթացքում։
