ՏԵՍԱՆՅՈՒԹ. Ընդդիմադիր քաղաքական գործիչ Նավալնիի աջակիցներին բերման են ենթարկել
Աշխարհի տարբեր երկրներում համերաշխության համաշխարհային ակցիա է սկսվել ի աջակցություն ռուս ընդդիմադիր քաղաքական գործիչ Ալեքսեյ Նավալնիի, որը այժմ գտնվում է Վլադիմիրի շրջանի գաղութում:
Ռուսաստանում այսօր ավելի քան 30 մարդ է բերման ենթարկվել՝ կապված Ալեքսեյ Նավալնիի աջակցության ակցիաների հետ։ Համացանցում տասնյակ տեսանյութեր են հրապարավում, թե ինչպես են ռուս իրավապահները բերման ենթարկում ակցիայի մասնակիցներին: Ակցիաներ են անցկացվել նաև Ռուսաստանի սահմաններից դուրս՝ ներառյալ Թբիլիսիում, Բաթումում, Երևանում, Բրյուսելում, Ամստերդամում եւ այլն:
«Այսօր ակցիային կմասնակցեն աշխարհի ավելի քան 120 քաղաքներ»,- հայտնել է Նավալնիի թիմը։ Երեւանում բողոքի ակցիան անցկացվել է Ալեքսանդր Միասնիկյանի արձանի մոտ:
