Վրաստանին ԵՄ անդամակցության թեկնածուի կարգավիճակ չի շնորհվել.Կալաձեն նշել է պատճառը
Վրաստանին ԵՄ անդամակցության թեկնածուի կարգավիճակ չի շնորհվել այն պատճառով, որ հանրապետության ղեկավարությունը հրաժարվել է միանալ Ռուսաստանի Դաշնության դեմ պատժամիջոցներին, այս մասին ասել է Թբիլիսիի քաղաքապետ Կախա Կալաձեն։
«Թեկնածուի կարգավիճակ տալուց հրաժարվելը քաղաքական որոշում էր, և հասարակությունը շատ լավ հասկացավ, թե ինչու դա տեղի ունեցավ։ Վրաստանի իշխանությունը նրանց համար խնդիր է, քանի որ չի միանում պատժամիջոցներին, պատերազմ չի սկսում, երկրում «երկրորդ ճակատ» չի բացում»,- ասել է Կալաձեն։
