Ադրբեջանի ԱԳՆ-ն հայտարարություն է տարածել
Ադրբեջանի Արտաքին գործերի նախարարությունն է հայտարարություն տարածել և հերթական անգամ փորձել խեղաթյուրել իրականությունը, թե հայկական կողմն է սադրանքների դիմում։ Հայտարարությունում մասնավորապես նշվում է, թե Հայաստանը շահագրգռված չէ խաղաղ գործընթացով։
«Հայաստանի կողմից իրականացվող սադրանքները ոչ միայն խախտում են Ադրբեջանի տարածքային ամբողջականությունն ու ինքնիշխանությունը, այլև լրջորեն սպառնում են տարածաշրջանային խաղաղությանը և անվտանգությանը։ Հայաստանի սադրանքի արդյունքում ադրբեջանական բանակի զինծառայողները նահատակվել և վնասվածքներ են ստացել։ Ադրբեջանի Հանրապետության զինված ուժերը ձեռնարկում են բոլոր անհրաժեշտ միջոցները և կշարունակեն ձեռնարկել դրանք», - ասվում է ագրեսոր պետության արտգործնախարարության հայտարարության մեջ։
Հիշեցնենք՝ այսօր ադրբեջանական կողմը ապրիլի 11-ին՝ ժամը 16:00-ի սահմաններում, Ադրբեջանի ԶՈՒ ստորաբաժանումները կրակ են բացել Տեղ համայնքի ուղղությամբ ինժեներական աշխատանքներ իրականացնող ՀՀ ԶՈՒ զինծառայողների ուղղությամբ: Հայկական կողմը դիմել է պատասխան գործողությունների: Այս պահին իրավիճակը շարունակում է լարված մնալ, թշնամին նաև ականանետային միջոցներ է կիրառել։
