Մհեր Սահակյանը ձերբակալվել է, իսկ Վլադիմիր Վարդանյանը դուրս է գրվել հիվանդանոցից
Պաշտպան Ռուբեն Մելիքյանը լրագրողների հետ զրույցում ասել է, որ «Հայաստան» խմբակցության պատգամավոր Մհեր Սահակյանը 72 ժամով ձերբակալվել է: «Սպասում ենք որոշմանը. ինչպես նախնական տեղեկացրեցին, ձերբակալումը շարունակվելու է: Սպասում ենք, որպեսզի այցելենք քննչական մարմին»,- նշել է Մելիքյանը:
ԱԺ Պետական-իրավական հարցերի մշտական հանձնաժողովի նիստի ընթացքում այսօր ուժի կիրառմամբ վիճաբանություն է տեղի ունեցել հանձնաժողովի նախագահ Վլադիմիր Վարդանյանի և «Հայաստան» խմբակցության պատգամավոր Մհեր Սահակյանի միջև։
Վարդանյանը «Նաիրի» ԲԿ էր տեղափոխվել։
«Նաիրի» բժշկական կենտրոնի մամուլի խոսնակ Աննա Ղազարյանը MediaHub-ին հայտնել են, որ Վարդանյանը հիվանդանոց է տեղափոխվել դեմքի ձախ հոնքային շրջանի պատռված վերքով։
«Կատարվել է առաջնային վիրաբուժական մշակում և վերքի ամբողջականությունը վերականգնվել է ներմաշկային կոսմետիկ կարով։ Վիճակը կայուն բավարար է, վերջինս դուրս է գրվել հիվանդանոցից»,- տեղեկացրեց նա:
Հայտնում են, որ Վարդանյանը վերադարձել է Ազգային ժողով: