Թուրքիան որևէ մեկի կողմը չի բռնի. Էրդողանը` ռազմական հակամարտությունների մասին
Անկարան ռազմական հակամարտություններում, այդ թվում՝ ուկրաինական, որևէ երկրի կողմը չի բռնի։ Այս մասին թուրքական հեռուստատեսության եթերում հայտարարել է Թուրքիայի նախագահ Ռեջեփ Թայիփ Էրդողանը, փոխանցում է CNN Turk-ը։
«Ուզում եմ դիմել ազգին. Թուրքիան ռազմական հակամարտություններում հեշտությամբ և պարզապես կողմ չի կանգնի: Թուրքիան միշտ հանդես կգա խաղաղության օգտին, կպաշտպանի այն, քայլեր կձեռնարկի գլոբալ խաղաղության ամրապնդման համար: Ռուս-ուկրաինական հակամարտությունում ևՍ մեր խնդիրը սրանում է կայանում»,- ասել է Էրդողանը։
Նա հավելել է, որ ներկայումս Թուրքիան ինքն է արտադրում իրեն անհրաժեշտ բոլոր զինատեսակները, և հնարավոր ռազմական հակամարտության դեպքում կարող է լիովին ապահովել իրեն։
