Միրզոյանի պատասխանը` ՀՀ-ում հակառուսական տրամադրությունների մասին հարցին
ՀՀ արտգործնախարար Արարատ Միրզոյանը հայտարարել է, որ Հայաստանում նպատակաուղղված հակառուսական արշավ չկա։ Այսպես է նա պատասխանել Երևանում տարբեր քաղաքական շրջանակների կողմից ժամանակ առ ժամանակ անցկացվող հակառուսական գործողությունների մասին հարցին։
ՌԴ ԱԳ նախարար Սերգեյ Լավրովի հետ համատեղ ճեպազրույցում Միրզոյանն ընդգծել է, որ տասնյակ հազարավոր ռուսներ Հայաստանում ապրում են բավականին հանգիստ և հարմարավետ, վարում են իրենց բիզնեսը, աշխատում, և այս համատեքստում ոչ մի բողոք չի ստացվել։
Այս փաստը ակնհայտորեն վկայում է հակառուսական տրամադրությունների բացակայության մասին, նշել է նախարարը։
Ի
նչ վերաբերում է ցույցերին ու ակցիաներին, ապա, ըստ Միրզոյանի, Հայաստանի Սահմանադրությունն ու դրա օրենքները երաշխավորում են հավաքների ազատությունը, և դա վաղուց նորություն չէ։ Երկրի ղեկավարության դեմ ցույցեր շատ հաճախ են անցկացվում նաեւ Երեւանում, ասել է նա։
ՀՀ ԱԳ նախարարը հրաժարվել է մեկնաբանել ռուսաստանցի որոշ քաղաքական գործիչների և լրատվամիջոցների ղեկավարների Հայաստան մուտքի արգելքի հարցը։
