Զելենսկին պատժամիջոցներ է սահմանել Սիրիայի նախագահի նկատմամբ
Ուկրաինայի նախագահ Վլադիմիր Զելենսկին անհատական պատժամիջոցներ է սահմանել Սիրիայի նախագահ Բաշար ալ Ասադի նկատմամբ։ Այս մասին ասված է Ուկրաինայի առաջնորդի կայքում մարտի 18-ին հրապարակված հրամանագրում։
Պատժամիջոցները սահմանվում են 10 տարի ժամկետով և ենթադրում են ակտիվների արգելափակում, Ուկրաինայից կապիտալի դուրսբերման արգելք, տնտեսական և ֆինանսական պարտավորությունների կատարման դադարեցում, ինչպես նաև մտավոր սեփականության օբյեկտների նկատմամբ իրավունքի և տեխնոլոգիաների փոխանցման արգելք։
Բացի այդ, պատժամիջոցներ են սահմանվել նաև Սիրիայի այլ պաշտոնյաների նկատմամբ:
Հիշեցնենք՝ Սիրիայի նախագահը ՌԴ նախագահի հետ հանդիպման ընթացքում մի շարք ռուսամետ հայտարարություններ էր արել:
