Զելենսկին Պուտինին ձերբակալելու մասին Հաագայի դատարանի որոշումը պատմական է անվանել

Ուկրաինայի նախագահ Վլադիմիր Զելենսկին Հաագայի Միջազգային քրեական դատարանի որոշումը «պատմական» է անվանել։ 
 

«Ահաբեկչական պետության ղեկավարը և ռուս մեկ այլ պաշտոնյա պաշտոնապես դարձել են ռազմական հանցագործության կասկածյալներ ուկրաինացի երեխաների արտաքսման մեջ՝ Ռուսաստանի տարածք մեր հազարավոր երեխաների անօրինական տեղափոման մեջ։  

Սռանց ահաբեկչական պետության գերագույն առաջնորդի հրամանի անհնար կլիներ նման հանցավոր գործողություն իրականացնել։ Երեխաներին ընտանիքներից բաժանելը, նրանց հարազատների հետ կապ հաստատելու հնարավորությունից զրկելը, երեխաներին Ռուսաստանի տարածքում թաքցնելը, հեռավոր շրջաններում ցրելը, այս ամենը ակնհայտորեն ռուսական պետական ​​քաղաքականություն է, պետական ​​որոշումներ, պետական ​​չարիք, ինչը սկսվում է հենց այս պետության առաջին պաշտոնյայից»,- ասել է Ուկրաինայի նախագահը։