Ռուսաստանը չի ճանաչում Պուտինին ձերբակալելու որոշումը․ Պեսկով

ՌԴ նախագահ Վլադիմիր Պուտինի «ձերբակալման» վերաբերյալ Միջազգային քրեական դատարանի (ՄՔԴ) հարցի բարձրացումն անընդունելի է, Ռուսաստանը չի ճանաչում դրա իրավասությունը, և նրա ցանկացած որոշում օրենքի տեսակետից ոչինչ է։ Այդ մասին լրագրողներին հայտնել է Ռուսաստանի ղեկավարի մամուլի քարտուղար Դմիտրի Պեսկովը, փոխանցում է РИА Новости-ն։

 

«Հարցի ձեւակերպումն ուղղակի վրդովեցուցիչ եւ անընդունելի ենք համարում։ Ռուսաստանը, ինչպես եւ մի շարք պետություններ, չի ճանաչում այս դատարանի իրավասությունը եւ, համապատասխանաբար, նման որոշումները Ռուսաստանի Դաշնության համար օրենքի տեսանկյունից առոչինչ են», - ասել է Պեսկովը։

Քաղաքականություն

Պատահարներ