Ֆրանսիայի LIOT ընդդիմադիր խմբակցության պատգամավորները առաջ են քաշել վարչապետ Էլիզաբեթ Բորնի կառավարությանն անվստահություն հայտնելու քվե։ Այս մասին ուրբաթ հայտնել է BFMTV հեռուստաալիքը։
 

Բերտրան Պանշեի գլխավորած մի խումբ պատգամավորների կողմից ներկայացված խնդրագիրը ստորագրել են 577-ից 91-ը՝ Ֆրանսիայի խորհրդարանի (Ազգային ժողովի) ստորին պալատն ունի նույնքան անդամ: Անվստահություն հայտնելու համար անհրաժեշտ է 287 ձայն, իսկ քաղաքական ուժերի համախմբման դեպքում այս ցուցանիշը միանգամայն հասանելի է։

«Ես բոլոր պատգամավորներին պատասխանատվության եմ կանչում մեր ժողովրդավարությունը պաշտպանելու համար», - հորդորել է Պանշեն իր գործընկեր պատգամավորներին։

Ավելի վաղ Ֆրանսիայի նախագահ Էմանուել Մակրոնը որոշել էր առանց խորհրդարանի ստորին պալատում քվեարկության դնելու ընդունել կենսաթոշակային տարիքի բարձրացման մասին օրինագիծը։ Նա հրավիրել էր Նախարարների խորհուրդ՝ օգտվելու սահմանադրական գործիքից, որը թույլ է տալիս դա անել: Վերջին ամիսներին երկրում տեղի են ունենում զանգվածային բողոքի ցույցեր ընդդեմ կենսաթոշակային բարեփոխումների, որոնք սրվել են նախորդ գիշեր։ Մարին Լը Պենը Ֆրանսիայի վարչապետ Էլիզաբեթ Բորնին կոչ է արել հեռանալ պաշտոնից։