Ուկրաինայում հրադադարը կխախտի ՄԱԿ-ի կանոնադրությունը, իսկ Ռուսաստանը կպատրաստվի հարձակման․ Սպիտակ տուն
Ուկրաինայում հրադադարը կնշանակի ապահովել Ռուսաստանի տարածքային նվաճումները և կլինի ՄԱԿ-ի կանոնադրության խախտում: Այս մասին ասել է Սպիտակ տան մամուլի խոսնակ Ջոն Քիրբին՝ մեկնաբանելով Ուկրաինայում խաղաղ կարգավորման մասին պաշտոնական Պեկինի առաջարկած ծրագիրը։
«Ռուսաստանին իրականում թույլ կտան օգտագործել զինադադարը՝ Ուկրաինայում իր դիրքերն ավելի ամրապնդելու, ուժերը վերախմբավորելու և ուժեղացնելու համար... հարձակումները վերսկսելու համար», - ասել է Քիրբին:
Նա նշել է, որ Վաշինգտոնը չի հավատում, որ դա կհանգեցնի արդար ու տևական խաղաղության։
