Ֆրանսիայում քվեարկության կդրվի Մակրոնի կառավարության վստահության հարցը

Ֆրանսիայի քաղաքական կուսակցությունների առաջնորդները հայտարարել են, որ մտադիր են քվեարկության դնել Հանրապետության կառավարությանը վստահության հարցը այն բանից հետո, երբ վարչապետ Էլիզաբեթ Բորնը հայտարարեց կենսաթոշակային բարեփոխումների մասին՝ շրջանցելով խորհրդարանում քվեարկությունը։ Այս մասին գրում է ТАСС-ը։

«Կառավարության որոշումը (Ֆրանսիայի Սահմանադրության 49-րդ հոդվածի կիրառման վերաբերյալ, որը թույլ է տալիս օրինագիծն ընդունել առանց քվեարկության խորհրդարանում) վկայում է (Ֆրանսիայի նախագահ) Էմանուել Մակրոնի քաղաքականության լիակատար ձախողման մասին»,- ասել է Մարին Լը Պենը,- «Մենք նախաձեռնում ենք կառավարության վստահության քվեարկություն... Վարչապետ Բորնն այլևս չպետք է մնա Մատինյոն պալատում»:
 

Վարչապետի հայտարարությունից անմիջապես հետո Ազգային ժողովի նիստի ավարտին կառավարությանն անվստահություն հայտնելու պատրաստակամության մասին հայտարարել է նաև Ֆրանսիայի Կոմկուսի առաջնորդ Ֆաբիեն Ռուսելը։ «Քվեարկելու առաջարկն արդեն պատրաստ է, մենք պատրաստ ենք քվեարկել»,- ասել է նա։

Ֆրանսիայի Ազգային ժողովի շենքի մոտ (Խորհրդարանի ստորին պալատ) պատրաստվում է բողոքի ցույց՝ ընդդեմ կառավարության որոշման՝ օրինագծի «հարկադիր» ընդունման մասին։
 

Ցուցարարները պահանջում են կառավարության եւ նախագահ Էմանուել Մակրոնի հրաժարականը՝ դժգոհություն հայտնելով երկրի կենսաթոշակային համակարգը փոխող օրինագծի «բռնի կերպով» ընդունման կապակցությամբ։ Մարդիկ դեմ են կենսաթոշակային տարիքը 64-ի բարձրացնելուն և պահանջում են իշխանություններից հրաժարվել բարեփոխումներից։