ՆԱՏՕ-ի նախկին գլխավոր քարտուղարը Գորիսում հանդիպել է արցախցիներին
ՆԱՏՕ-ի նախկին գլխավոր քարտուղար Անդերս Ֆոգ Ռասմուսենն այցելել է Լաչինի միջանցքի սկզբնամաս, որն արդեն երեք ամիս է՝ փակ է։ Այս մասին ֆեյսբուքյան իր էջում գրել է վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրեն Գոռ Ծառուկյանը:
Հայաստանում գտնվող ՆԱՏՕ-ի նախկին գլխավոր քարտուղար Անդերս Ֆոգ Ռասմուսենը Գորիսում հանդիպել է Ադրբեջանի կողմից Արցախի շրջափակման պատճառով հայրենիք վերադառնալու հնարավորությունից զրկված արցախցիներին:
Ավելի վաղ տեղեկացրել էինք, որ ՆԱՏՕ-ի նախկին գլխավոր քարտուղարն այսօր կլինի Ջերմուկում: Երկօրյա այցով Հայաստան ժամանած ՆԱՏՕ-ի նախկին գլխավոր քարտուղար Անդերս Ֆոգ Ռասմուսենն այսօր Ջերմուկ է մեկնելու՝ ծանոթանալու անցած սեպետեմբերի ռազմական գործողություններից հետո ստեղծված սահմանային իրավիճակին։
